Кырдьаҕас дьон мобильнай сибээһинэн хото туһанар буолла

22.11.2019
Бөлөххө киир:

Mediascope хампаанньа чахчыларынан, күн бүгүн Арассыыйа олохтоохторуттан  80%-ра интэриниэтинэн туһанар. Онон, сааһыттан тутулуга суох, кыралыын-улаханныын бары кэриэтэ мобильнай интэриниэккэ холбонон, социальнай ситимнэринэн кэпсэтэр, киинэ көрөр, муусука истэр буоллулар.

edersaas.ru

Аналитиктар бэлиэтииллэринэн, мобильнай интэриниэтинэн уонна цифровой сервистэринэн 55 саастарыттан үөһээ саастаах дьон туһаналлара элбээбит. Сааһырбыт дьон олоҕу кытары тэҥҥэ хардыылаан, аныгы смартфоннары атыылаһан, оҕолорун, сиэннэрин кытары социальнай ситимнэринэн кэпсэтэллэр. Суотабай төлөпүөнүнэн, интэриниэтинэн туһаныы туһунан дьон санаатын хомуйдубут.

Клавдия Степановна, 62 саастаах:

— Миэхэ оҕолорум үбүлүөйбэр смартфон бэлэхтээбиттэригэр, таах туһаныллыбакка сытара буолуо дии санаабытым. Онтон сиэннэрим төлөпүөнү тута холбооннор, сим-каарта уганнар, хайдах туһанарбын үөрэтэн барбыттара. Шрибин улаатыннаран, наадата суох бырагыраамалары, сыһыарыылары барытын туспа паапкаҕа укпуттара. МегаФонтан, си­­бээскэ холбоммутум туһунан тута  СМС-иһитиннэрии кэлбитэ. Салгыы сиэннэрим интэриниэти холбоо­буттара. Бу өҥө иһин эбии харчы төлүүрүм буолуо дии санаабытым да, хата барыта тарыыппар киирэ сылдьар эбит. Батсаабы хачайдаан, аны Инстаграмҥа регистрацияланан эрэбин. Арааһа, смартфон тэлэбиисэри солбуйан эрэр быһыылаах. Үгүс киһи төлөпүөннэригэр киинэни, араас биэриилэри көрөр буолла.

Сергей Игнатьев, 67 саастаах, биэнсийэлээх:

— Саҥа смартфону уонна сим-каартаны солуонтан атыылаһарбар, консультант анал сыһыарыылар, бырагыраамалар тустарынан  кэпсээбитэ.  Оптуобуска олорон, даачаҕа МегаФон.ТВ холбоон, араас биэриилэри, киинэлэри көрөбүн. Онон тэлэбиисэрбин да холбоон көрөрүм аҕыйаата. Сиэннэрим хоно кэллэхтэринэ, смартфоҥҥа мультик хачайдаан, тэлэбиисэргэ көрөллөр.

Мария Константинова, 34 саастаах, тэрилтэ үлэһитэ:

— Аан бастаан ийэбэр боростуой төлөпүөнү атыылаһаары гынан баран, аныгы смартфоны ылбыппыт. Билигин арыый удамыр сыаналаах төлөпүөн арааһа элбэх.  Видео-сибээһинэн, хаһан баҕардахпына, ийэбин кытары кэпсэтэбин. Ийэм анал мэдис­сиинискэй сыһыарыыны хачай­даабыта. МегаФон суотабай си­­бээскэ “Радар” диэн өҥөнү туруортаран, ийэм ханна баарын көрө-билэ олоробун. Наһаа наадалаах эбит. Аны хары чаһытын оннугар билигин фитнес-браслет  диэн баар буолла. Ийэм онно бириэмэни эрэ көрбөт, күн устата хас хардыыны оҥорбутун ааҕар, дабылыанньатын кэмниир.

Бу дьону кытары кэпсэтэн баран, эдэр дьону тэҥэ  кырдьаҕас дьоҥҥо эмиэ төлөпүөн наадалаах эбит дии санаатым. Онон, аймахтар, табаарыстыылар ханна да сырытталлар, бэйэ-бэйэлэрин кытары өрүү сибээстэһэ тураллар.

Анивера Акимова, edersaas.ru

+1
0
+1
0
+1
0
+1
0
+1
0
+1
0
+1
0