Доруобуйа Маны аах

Кырдьаҕас дьон эбии ханнык мэдиссиинискэй көмөнөн туһанарый?

“Демография” национальнай бырайыак көмөтүнэн  кырдьаҕас саастаах эмтэнээччилэргэ анал босхо тырааныспар үлэлиир, диспансеризация ыытыллар уонна гериатр-быраас кэбиниэттэрэ аһыллаллар.

edersaas.ru

Гериатр-быраас диэн кимий?

Кини — 60 саастарын ааспыт дьону кытары үлэлиир исписэлиис. Гериатр-быраас организм уларыйар сибикилэрин билэр. Кырдьаҕас киһи көдьүүстээхтик эмтэнэрин  уонна доруобуйатыгар куттал суох буоларын  туһугар гериатр-быраас  сөптөөх эмтэри талан аныыр.

Ону таһынан, кинилэри өй-санаа өттүнэн өйүүр, көмөлөһөр.

 

Сыыдам сырыылаах биригээдэлэр

65 сааһын ааспыт дьон поликлиникаларга уонна быһыы биэрэр пууннарга босхо айанныахтарын сөп. Онуоха эрэгийиэннэргэ 1580 анал массыына бэриллибитэ. Эһиги куораккытыгар сыыдам сырыылаах (мобильнай) биригээдэлэр хайдах үлэлииллэрин олорор сиргинэн социальнай хааччыйыы кииниттэн ыйыталаһыаххын сөп.

Диспансеризация

40-тан үөһээ саастаахтар диспансеризацияны сыл аайы барыахтаахтар. Диспансеризация киһи бэйэтэ сэрэйэн да көрбөт ыарыыларын буларыгар наадалаах. Холобур, сүрэх-тымыр систиэмэтин, тыҥа ыарыыларын, саахарынай диабеты уонна онкологияны.

Хаһан диспансеризацияҕа сылдьыахтааххын бэйэҥ поликлиникаҕыттан туоһулас.

Учаастактааҕы бырааскар судаарыстыбаннай өҥөлөр порталларын нөҥүө суруйтарыахха сөп.

Надежда ЕГОРОВА, «Саха сирэ», edersaas.ru

0
0
Telegram @edersaas20