“Демография” национальнай бырайыак чэрчитинэн, кырдьаҕас, кыаммат, аҥаардас дьону көрө-истэ ылар ыал ахсаана элбиир.
Билиҥҥи туругунан, 29 улууска, куоракка 220 ыалга 222 кырдьаҕас киһи олорор. Быйыл кырдьаҕас киһини көрөр-истэр ыал ахсаана 250-ҥэ диэри элбиэҕэ диэн СӨ үлэҕэ, социальнай сайдыыга министиэристибэтэ иһитиннэрэр.
Аҥаардас хаалбыт аҕам саастаах киһи кырдьаҕастар, инбэлииттэр интэринээт-дьиэлэригэр киирэрин оннугар, төрөөбүт дойдутуттан тэйбэккэ, дьонун-сэргэтин ортотугар, ыалга олороро быдан табыгастаах. Маннык үлэ көдьүүстээҕэ көһүннэ.
Кырдьаҕаһы көрө-истэ ылбыт ыал үчүгэй усулуобуйаны тэрийэрэ, иҥэмтиэлээхтик аһатара-сиэтэрэ, сынньатара, эмтэтэрэ ирдэнэр. Ол курдук, туспа хостоох, бэйэтэ тус миэбэллээх буолуохтаах. Көрөр-истэр ыалларга ый аайы 21 426 солкуобай төлөнөр.
Ангелина Васильева, «Саха сирэ» хаһыат, edersaas.ru
Хаартыска: mintrud.sakha.gov