Доруобуйа Уопсастыба

Эмсэҕэлээбиттэргэ кырачааннар эмиэ көмөлөстүлэр

Өрөспүүбүлүкэ араас тэрилтэлэрэ халаан уутуттан эмсэҕэлээбиттэргэ көмөлөрө салҕанар.

Сунтаар улууһун Тойбохой с. бэс ыйын 1 күнүгэр ыытыллыбыт тэрээһиннэртэн киирбит үп Амма улууһун халаан уутуттан эмсэҕэлээбит нэһилиэктэригэр көмө пуондатыгар угуллуоҕа.

edersaas.ru

Ол курдук, дьон-сэргэ оҕо көмүскэлин күнүн үөрэ-көтө, үрдүк таһымнаахтык бэлиэтиирэ үгэскэ кубулуйда. Бу кэмҥэ болдьообут курдук, айылҕабыт уһуктар, оскуолаҕа бүтэһик чуораан чугдаарар кэрэ кэмэ.

Тойбохой нэһилиэгэ да онтон туора турбакка, уопсастыбаннас оҕо аймахха араас тэрээһиннэри, күрэхтэри сарсыардаттан тэрийдэ. Киэһэ “Кыталык” кулуупка  “Оҕо саас – кэрэ саас” кэнсиэркэ  “ Ньургуһун”  оҕо сайыннарар киинин бэлэмнэнии бөлөх оҕолорун  күүһүнэн “Дьырыбына Дьырылыатта Кыыс Бухатыыр” олоҥхону туруордулар. Ойор-тэбэр оҕо саас үҥкүүлэрин, чабырҕахтары  дьон-сэргэ сэргээн көрдө, оҕолор оонньообуттарын астынна. Кылаабынайа, кырачааннар халаантан эмсэҕэлээбиттэргэ бэйэлэрин кылааттарын киллэрсэн, үтүө дьыалаҕа кыттыстылар.

Валерий ИЛЛАРИОНОВ, Саха сирэ” хаһыат,  edersaas.ru

 

2
0

Добавить комментарий