Маны аах Уопсастыба

Кырачаан Вика Кириллина баҕа санаата туолла

Бэҕэһээ  Сэбиэскэй сойуус Геройа Н.С.Степанов аатынан Бүлүүтээҕи 3 нүөмэрдээх  оскуола 4-с кылааһын үөрэнээччитэ Вика Кириллина ыра санаата туолла.

Ол курдук, Бүлүү куорат олохтооҕо, элбэх оҕолоох соҕотох аҕа Иван Кириллин улахан кыыһа Вика тохсунньу  13 күнүгэр бэйэтин ис санаатыттан улуус баһылыгар Сергей Николаевич Винокуровка сурук суруйан улуус дьаһалтатыгар илдьэн биэрбит. Бу суругар кини билиҥҥи олох ирдэбилигэр эппиэттиир компьютерга наадыйарын туһунан суруйбут. Онуоха бэҕэһээ Сергей Николаевич элбэх оҕолоох Кириллиннар дьиэ кэргэттэригэр персональнай компьютеры илдьэн бэлэх туттарда. Ыал аҕата Иван Кириллин мантан ыла оҕолор үөрэхтэрэ өссө тупсуоҕа уонна кыргыттар эргиччи сайдыылаах, киэҥ билиилээх буола үүнүөхтэрэ диэн ис сүрэҕиттэн үөрэн туран баҕа санаатын эттэ. Бу туһунан улуус дьаһалтатын пресс-сулууспата иһитиннэрдэ.

 

edersaas.ru

0
0
Telegram Whatsapp