Кындалга хаарбах дьиэттэн дьону көһөрүү бырагырааматынан дьиэ тутуллар

Ааптар: 
Бөлөххө киир:

Чурапчы улууһугар Кындалга хаарбах дьиэттэн дьону көһөрүү бырагырааматынан дьиэ тутуллар.

Бүгүн улуус дьаһалтатыттан Степан Саргыдаев Болтоҥоҕо тиийэн нэһилиэк салалтатын, дьону-сэргэни көрүстэ, үлэ-хамнас хаамыытын билистэ. Бу туһунан улуус дьаһалтатын пресс-сулууспата иһитиннэрдэ.

Кини манна хаарбах дьиэттэн дьону көһөрүү бырагырааматынан тутулла турар аҕыс кыбартыыралаах таас дьиэни көрдө-иһиттэ. Оскуола-уһуйаан үлэһиттэрин, олохтоохтору кытары сэһэргэстэ. Дьон-сэргэ быраас, биэссэр тиийбэтин, нэһилиэккэ тэрилтэлэр түргэн сибээстээхтэрин, шлюз-регулятор эргэрэн туһата суох буолбутун саҥардар наадатын, киин ититэр ситимҥэ олорор дьиэлэри 100% холбууру, Кындалга барар муостаны уларытар уолдьаспытын, о.д.а. эттилэр. Маныаха нэһилиэк баһылыга быйыл ахсынньыга түргэн тэтимнээх сибээскэ хас биирдии ыал холбонуоҕун быһаарда. Оскуолаҕа Бүлүү, Таатта улуустарыттан, Чурапчыттан уонна Болтоҥоттон эдэр педагогтар үлэлииллэрэ сүргэни көтөҕөрө бэлиэтэннэ.

+1
0
+1
0
+1
0
+1
0
+1
0
+1
0
+1
0