«КЫЛ САХА» маастар-кылаас ыытта 

Ааптар: 
Бөлөххө киир:

«КЫЛ САХА» бөлөх куйаар ситиминэн кыл кылыһахха оонньуурга баҕалаах дьоҥҥо анаан, аан бастаан маастар-кылааһы тэрийэн ыытта.

Сэтинньи 21 күнүгэр Сергей Зверев-Кыыл Уола аатынан Үҥкүү тыйаатырын иһинэн айымньылаахтык үлэлиир  саха национальнай аркыастырын артыыстараАнна Томская салайар «КЫЛ САХА»  бөлөх кыттыылаахтара «Кыл саҕар төрүт дорҕоон кистэлэҥэ» диэн бэрт умсугутуулаах  дьарыктаах, ураты дорҕоонунан доҕуһуоллатан, 54 киһиэхэ zoom платформаҕа үс чаастаах дьоһуннаах дьарыгы саҕалаатылар

Билэргит курдук, хоруона хамсыгыттан өрөспүүбүлүкэ тыйаатырдара аҕыс ый устата көрөөччүлэрин кытары утары көрсүһэн, биир саалаҕа түмсэн кэнсиэри ыыппатахтара номнуо аҕыс ый буолла. Ол иһин, бу уустуктартан иҥнибэккэ, харгыстаммакка, Үҥкүү тыйаатырын үлэтин сүрүннүүр администратор улуустар култуураҕа салааларын салайааччыларыноҕо кэрэ эйгэҕэ иитиллэр кыһаларын уһуйааччыларын кытта сибээстэһэн, билсиһэн, киэҥ хабааннаах кэпсэтиини ыытта. Ол түмүгэр дьоһуннаах маастар-кылааска өрөспүүбүлүкэ уон икки улууһа дьарыктанна. Ол курдук, Амма, Нам, Уус Алдан, Бүлүү,  Үөһээ Бүлүү, НьурбаСунтаарМирнэйКэбээйиТомпоХаҥаласӨймөкөөн улуустарыттан, Дьокуускайтан, Мархаттан, Хатастан кылыһах үнүстүрүмүөҥҥэ үөрэниэн баҕалаах дьону түмэ тарта. 

Батсаап бөлөх арыйан, бука барыларын кытта эрдэттэн  сибээһи олохтоон, төһө киһи үнүстүрүмүөннээҕин чуолкайдаанкылыһахтара суох дьоҥҥо Анна Ивановна тута сүбэлээн, бииргэ үлэлэһэр маастардарын ыйан-кэрдэн биэрдэБу хайысхаҕа үлэлэһиэн баҕалаах дьон «чаачарын кыла тоҕо быстарый?», «…кырыымпаны настройкалыырга тюнер диэни туһаналлар диэн истибитимол ханна атыыланарыйтөһө сыаналаах буоларый?», «кылыһах диибит дуукырыыппа дуукырыымпа дуу, «мин кырыымпаны настройкалыырбын ыарырҕатабын, оннооҕор, оонньуу олордоххо ыһыллар…», диэн, о.д.а. араас ыйытыыларга баай уопуттаах уһуйааччыттан тута хоруй ылан истилэр. Маастар-кылаас ыытыллыан биир күн инниттэн бириэмэ болдьоһон, отучча киһиэхэ тус бэйэлэрин кытта сибээстэһэн кылыһахтарын тыаһын бэрэбиэркэлээн сүбэ-ама биэрдилэр. 

Маастар-кылаас таһымнаахтык ааһарыгар тэхиньиичэскэй өттүн Герман Сокольников кыайа тутан үлэлэстэ. Түгэнинэн туһанан эттэххэ, Анна Ивановна баҕалаахтары кылыһахха оонньуурга үөрэтиигэ анаан тус бэйэтин ураты ньыматын сурукка тиһэн бичийэ, бэчээккэ тахсарыгар бэлэмнии сылдьар. Бу сырдатыллар маастар-кылааска кини кылыһаҕы сөптөөхтүк атахха хайдах  бигээн олорорудорҕоон таһаарар чаачарын илиигэ табыгастаахтык тутууну, кылыһахха оонньуурга үөрэтиигэ анаан судургу гына нотаҕа сыыппараларынан тиһиллибит матыыбы быһааран маастар-кылааска кэлбит дьон сахалыы тойук дьиэрэтиитин, норуокка киэҥник биллэр Архыып Абаҕыыныскай тылыгар суруллубут «Саас буолаҕа» ырыаны, оһуокай матыыптарын үс чаас устата биллибэккэ ааспыт кэмҥэ оонньоон бэйэлэрэ да астыннылар. Уһуйааччы олус судургутукөйдөнүмтүөтүк быһаарарын олус сөхтүлэр, махтаннылар. Саастар кылаас саҕаланыан иннинэ Анна Ивановна саха үнүстүрүмүөннэрин күн бүгүҥҥэ диэри хайдах хайдах сайдан кэлбиттэрин билиһиннэрдэонтон «КЫЛ САХА» толоруутугар хас да нүөмэри толорон көрөөччүлэрин сүргэлэрин көтөхтүлэр.      Саҥасонунэппиэттээхдолгутуулаах тэрээһин ситиһиилээхтик ааспытын туоһутунан маастар-кылааска сылдьыбыт дьоммут маннык истиҥ тыллары суруйан ыыппыттарыттан ааҕааччылар билсиэхтэринсөпДьокуускай куоракка олорор 14 саастаах саамай эдэр үөрэнэр көрөөччүбүт ийэтэ М.В.Эверстова маннык ахтар «Оҕом кырыымпаҕа оонньуон олус баҕарар. Ол гынан баран кырыымпабыт эҥин суох. Сүбэҕитин күүтэбит.Бу күннэргэ  ол эрэ кэпсэтиитэ, ютуб  бөҕө көрдө. Уһуйуу бүппүтүн кэнниттэн маастар-кылаас кэмигэр оонньонор матыыптары ыллаһа олордо, тарбахтарын хамсата-хамсата барытын оҥордо, кырыымпата суоҕуттан абарда. Олох тута үөрэниэ эбиппин диир». У.Н.Романова, СӨ үтүөлээх бэтэринээрэ, 73 саастаах көрөөччүбүт «Анна Ивановна  профессиональнай педагог буолан буолан киһиэхэ олус тиийимтиэтик үөрэтэр. Үөрэтэр методиката олус табыллыбыт…Бу маастар-кылааска кыл-кылыһах  дорҕоонунан үөрэниэн баҕалаахтар элбэхтэрэ киһини астыннарар. Ол аата, сахабыт дьоно өбүгэттэн кэлбит түҥ былыргы дорҕоону ис дууһаларынан ылынар эбиттэр. Үөрэниэн баҕалаах үгүһэ, ону туоһулуур»…  

Маннык истиҥ тыллаах үгүс сыанабылтан кынаттанан салгыы айар үлэ абылаҥар куустаран Үҥкүү тыйаатырын аркыастырын артыыстара, «Кыл саха» бөлөх кыттыылаахтарасалайааччы Анна Ивановна Томская көрөөччүлэрин өссө да саҥасонун үлэлэринэн үөрдэ-көтүтэ туруохтара диэн эрэнэбин. Бу ыытыллыбыт тэрээһинтэн тирэх ылан салгыы, саҥа уһуйааҥҥа кыл кылыһах умсугутуулаах дорҕоонун сэҥээрээччилэрин тыйаатыр @dancesakha инстаграмыгар күнтэн-күн көтүппэккэ саҥа сонуннары көрөн тыйаатыр артыыстарын айар үлэлэрин билсэргитигэр ыҥырабыт.   Түгэнинэн туһананүөһэ ыйыллыбыт улуустар култуураҕа салааларыноҕо үөрэҕин кыһаларын салайааччыларыгар махталбытын тиэрдэбит. Эһиги көмөҕүтүнэн маннык интэриэһинэй, бар дьоммутугар туһалаах тэрээһин ыытылынна, олоххо киирдэ диэн сыаналыыбын. 

 Уйдара Яковлева, СӨ Култууратын туйгуна

+1
0
+1
0
+1
0
+1
0
+1
0
+1
0
+1
0