«Кыайыыны салҕааччылар» бырайыак үлэтин саҕалаата

Бөлөххө киир:

Сэриигэ кыттыбыт биир дойдулаахтарбытын үйэтитиигэ «Кыайыыны салҕааччылар» муниципальнай бырайыак чэрчитинэн Сунтаар улууһун оскуолаларыгар үгүс үлэлэр ыытыллаллар.

edersaas.ru

Бу бырайыак ааптара уонна салайааччыта Сунтаардааҕы оҕо дьоҕурун сайыннарар киин директора  Ангелина Владимировна Антонова. Маннык хайысхалаах бырайыак кэнчээри оҕолор төрөөбүт дойдуларын историяларын, Аҕа дойду Улуу сэриитин туһунан үөрэтэллэригэр олук буолар. Сунтаар улууһун Аҕа баһылыга Анатолий Васильевич Григорьев бу  бырайыагы улаханнык өйөөн үп көрдө. Элбэх алдьархайы аҕалбыт Аҕа дойду Улуу сэриитэ (1941-1945сс.) биһиги өйбүтүттэн-санаабытыттан үйэ-саас сүппэт. Көлүөнэттэн көлүөнэҕэ сэриигэ кыттыбыт биир дойдулаахтарбыт тустарынан хомуллубут матырыйаал эбии ситэриллэн, эбиллэн  компьютернай программаҕа киирэрэ былааннаммыта. «Кыайыыны салҕааччылар» муниципальнай бырайыак «Сүгүрүйүү вахтата» (Вахта памяти) акцията олунньу 25 күнүттэн оскуолаларга үлэтин саҕалаата. Оҕолор сэриигэ кыттыбыт дьону, ханна сэриилэспиттэрин, кинилэр дьиэ кэргэттэрин уо.д.а. сибидиэнньэлэри хомуйаллар. «Сүгүрүйүү вахтата» акциятын туһунан Сунтаардааҕы политехническай лиссиэй библиотекара З.Я.Иванова: «Вахта памяти», үйэлээх өйдөбүл күннэрэ биһиги улууспутугар оскуола оҕолорунан ыытыллыбыта олус суолталаах, оҕолор история кыһыл көмүс страницаларын арыйталаан ааспыт героическай олохпутун кытта алтыһан ааһаллар. Маннык бырайыак үлэтэ патриотическай иитиигэ суолталаах буолла. Оҕолор военкоматтан докумуоннары көрөн долгуйан кэлэллэр, улуус библиотекатыттан баран бүтүн лииһи олус кыһаллан устан кэлэллэр. Маннык үлэҕэ республика үрдүнэн биһиги, сунтаардар бастакылар быһыылаахпыт. Оҕо дьоҕурун сайыннарар киин директорыгар Ангелина Владимировна салайыытынан итинник толкуйдаан виртуальнай өйдөбүнньүк  кинигэтэ оҥоһуллара олус үйэлээх үлэ. Үйэтитии үлэтин Сунтаар улууһун үөрэҕириитин салалтата (нач.Иванов А.И.), Оҕо дьоҕурун сайыннарар киин (дир.Антонова А.В.) ылсыбыттара үчүгэй. Сунтаар Аҕа баһылыга А.В.Григорьев бырайыагы өйөөбүтүгэр махтанабыт», — диэн санаатын үллэһиннэ.

Бары нэһилиэктэртэн киирбит сибидиэнньэлэри А.В.Антонова салалтатынан Сунтаардааҕы оҕо дьоҕурун сайыннарар киин үлэһиттэрэ бииргэ түмэннэр мобильнай сыһыарыылары таҥан оҥоруохтаахтар.

Сунтаар улууһун үөрэҕириитин управлениятын информационнай-методическай отдела

+1
0
+1
0
+1
0
+1
0
+1
0
+1
0
+1
0