Билиэттэр дизайннарын омук колориттаах оҥоруу куонкуруһугар Саха сирин ыччатын кыттарга ыҥыраллар.
edersaas.ru
Кыайыылаах дизайнын «Хотугу сир аэропортара» уонна Саха сирин филармониятын, тыйаатырдарын билиэттэригэр туһаныахтара. Куонкурус тохсунньу 27 күнүттэн олунньу 26 күнүгэр диэри ыытыллар.
Усулуобуйа быһыытынан, Саха АССР төрүттэммитэ 100 сылыгар ананар графическай матырыйааллар эбэтэр хаартыскалар буолуохтаахтар.
Куонкурус түмүгүнэн кыайыылаах Дьокуускай — Санкт-Петербург — Дьокуускай маршрутунан 2022 сыл муус устар 15 күнүттэн ыам ыйын 15 күнүгэр диэри көтөр кыахтаныа уонна Ыччат бырабыыталыстыбатын каадырын саппааһыгар киллэриллиэ. Онтон иккис уонна үһүс миэстэни ылбыт лауреаттар култуура тэрээһиннэригэр сылдьарга босхо билиэттэринэн наҕараадаланаллар уонна эмиэ ыччат бырабыыталыстыбатын каадырын саппааһыгар киллэриллэллэр.
Куонкуруска 16-35 саастаах дьон, эдэр худуоһунньуктар уонна дизайнердар кытталлар. Үлэлэри сыаналыырга толоруу хаачыстыбата, үлэ уус-уран сыаннаһа, устуоруйа матырыйаалын туттуута, суолтата уо.д.а. учуоттаналлар.
Түмүктэр @molprav14 инстаграмҥа уонна ыччат бырабыыталыстыбатын сайтыгар тахсыахтара.
Сэҥээрбиттэр ыйытыыларгытын https://molprav.sakha.gov.ru/konkursy-i-meroprijatija/yakutia-tickets суруйан билсиэххитин сөп.
Надежда ЕГОРОВА, «Саха сирэ» хаһыат, edersaas.ru
Хаартыска: СӨ Үлэҕэ уонна дьарыктаах буолуу министиэристибэ саайтыттан