«Саха сирин киэн туттуута» норуот бириэмийэҕэ «Баҕа өттүнэн көмөлөһөөччү» («Доброволец») номинация биэс финалиһа билиннэ.
edersaas.ru
Кинилэртэн КЫАЙЫЫЛААҔЫ сүүмэрдиир куоластааһын сарсын, сэтинньи 5 күнүгэр, саҕаланыаҕа.
Номинацияҕа кыттааччыларга 21 754 куолас киирдэ. Ол түмүгүнэн финалга биэс баҕа өттүнэн көмөлөһөөччү (доброволец) таҕыста:
— Владислав Соловьев, Нам улууһа, 3297 куоластаах, онтон 909 — социальнай ситимнэргэ;
— Гликория Оконешникова, Кэбээйи улууһа, 2939 куоластаах, 1518 — социальнай ситимнэргэ;
— Афанасий Алексеев, Дьокуускай к., 1934 куоластаах, 780 — социальнай ситимнэргэ;
— Пётр Черкашин, Уус Алдан улууһа, 1450 куоластаах, 484 — социальнай ситимнэргэ;
— Наталья Миронова, Дьокуускай к., 1244 куоластаах, 304 — социальнай ситимнэргэ;
Кыайыылаахтарга эҕэрдэ! «Саха сирин киэн туттуута» норуот бириэмийэтин «Баҕа өттүнэн көмөлөһөөччү» (доброволец) номинациятын КЫАЙЫЫЛААҔА сэтинньи 9 күнүгэр биллиэҕэ.
«Бастыҥ» номинация иһин куонкурус үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр, интэриэстэригэр таба тайаммыт, үлэттэн, таптыыр дьарыктарыттан дьоллонор дьону кэмигэр бэлиэтээн көрүү буолар. Кинилэргэ махтал тылларын саамай үлэлэрин, айар-тутар кэмнэрин үөһүгэр сырыттахтарына этэн үөрдүү.
«Саха сирин киэн туттуута» норуот бириэмийэтин тэрийээччи — «Сахамедиа» холдинг («Якутия» уонна «Саха Сирэ» хаһыаттар, YSIA.RU информагентство , edersaas.ru, gazetayakutia.ru, ulus.media.саайтар).
Генеральнай спонсордар — «Көмүлүөк» саха иһитин оҥорор уонна «Киэргэ» ювелирнай фирмалар.
«Саха сирин киэн туттуута» норуот бириэмийэтин «Баҕа өттүнэн көмөлөһөөччү» («Доброволец») номинациятыгар кыттар финалистары өйөөҥ. Үтүө Дьулуур сылыгар биллэриллибит «Саха сирин киэн туттуута» норуот бириэмийэтин уочараттаах «Баҕа өттүнэн көмөлөһөөччү» («Доброволец») номинациятыгар ким кыайыылаах тахсара эһигиттэн тутулуктааҕын умнумаҥ. Ким туох ыйытыылаах 89248635481 төлөпүөҥҥэ эрийэн, бырайыак ааптара Григорий Фоменкоттан ыйытыҥ.
Елена ПОТОЦКАЯ, «Саха сирэ» хаһыат, edersaas.ru