Бэс ыйын 22 күнүгэр 18:15 чааcтан Саха сиригэр Кутурҕан мүнүүтэтэ ыытыллыаҕа. Москва бириэмэтинэн бу чааска — 12:15 чааска 1941 сыллаахха Сэбиэскэй Сойууска өстөөх саба түспүтүн уонна Аҕа дойдуну көмүскүүр сэрии саҕаламмытын туһунан эпииргэ иһитиннэрбиттэрэ.
Онон, бэс ыйын 22 күнүгэр Саха сирин олохтоохторо Арассыыйатааҕы кутурҕан мүнүүтэтигэр кыттыахпыт.
Бу мүнүүтэҕэ иһийэн туран, кыргыһыы хонуутугар хаһан да эргиллибэттии охтубут буойуттары, уоттаах сэриини ааспыт, Улуу Кыайыыны уһансыбыт чугас дьоммутун саныахпыт. Арассыыйа үрдүнэн теле- уонна араадьыйа-биэриилэр, дьон мустар вокзаллара, тэрилтэлэрэ үлэлэрин биир мүнүүтэ тохтотуохтара.
Санатан суруйдахха, Кутурҕан күнүгэр — бэс ыйын 22 күнүгэр маннык мүнүүтэ сыллата ыытылларын туһунан сокуоҥҥа Владимир Путин илии баттаабыта.
Бу күҥҥэ дьон үгэс буолбут «Өйдөбүнньүк чүмэчитин» уматаллар. Быйыл 27 000 000 виртуальнай чүмэчи умайыахтаах. Баҕалаах дьон бэс ыйын 15-22 күннэригэр Деньпамяти.рф саайтка уонна социальнай ситимнэргэ кыттыһыахтарын сөп.
edersaas.ru