Уопсастыба Эдэр саас

Кыайыы Знамятын бастакынан Горнай Одунутугар көрсүөхтэрэ

Бүгүн, ыам ыйын 10 күнүгэр, Дьокуускай куоракка Улуу Кыайыы 75 сылын көрсө «Кыайыы Знамята»өрөспүүбүлүкэтээҕи аахсыйа саҕаланна.

edersaas.ru

Кыайыы Знамята Горнай улууhун нэһилиэктэринэн, онтон  салгыы сыл устата өрөспүүбүлүкэ улуустарынан айанныаҕа.

Горнай улууһун дьаһалтатын ыччат бэлиитикэтин отделын сүрүннүүр исписэлииһэ Сардаана Туралысова Горнай улууһугар Улуу Кыайыы Знамята нэһилиэктэринэн  хайдах тиэрдиллэн иһиэҕин туһунан сиһилии маннык билиһиннэрдэ:

Муниципальнай тэриллии баһылыга Никита Андреев уонна «Одуну уоланнара» байыаннай-патриотическай түмсүү кыттыылаахтара, Маҕарас орто оскуолатын 10-с кылааһын үөрэнээччилэрэ Денис Никифоров ,  Арсен Прокопьев,  Харысхан Замятин Кыайыы Знамятын үөрүүлээх быһыыга-майгыга туттулар. 

Горнай улууhугар Кыайыы Знамятын бастакынан Одуну нэhилиэгин олохтоохторо көрсүөхтэрэ.

Ыам ыйын 10-20 чыыhылаларыгар улууспут нэhилиэктэрэ Кыайыы Знамятын көрсөр суолталаах тэрээhиннэрэ, оскуола оҕолоругар «Эр санаа» уруоктара, бэтээрэннэри кытта көрсүһүүлэр анал былаанынан ыытыллыахтара.


Кыайыы Знамятын эстафетатын маршрута маннык аттарылынна:
⭐Ыам ыйын 10 күнүгэр — Одуну нэhилиэгэ;
⭐Ыам ыйын 11-12 күннэригэр — Бэрдьигэстээх сэлиэнньэтэ;


⭐Ыам ыйын 13 күнүгэр — Солоҕон нэhилиэгэ;
⭐Ыам ыйын 14 күнүгэр — Мытаах нэhилиэгэ;
⭐Ыам ыйын 15 күнүгэр — Октябрьскай нэhилиэгэ;
⭐Ыам ыйын 16 күнүгэр — Атамай нэһилиэгэ;


⭐Ыам ыйын 17 күнүгэр — Кировскай нэhилиэгэ;
⭐Ыам ыйын 18-20 күннэригэр — Маҥаны нэһилиэгэ.
Сарсын, ыам ыйын 11 күнүгэр, 11 чааска Кыайыы Знамятын Бэрдьигэстээх сэлиэнньэтигэр көрсөр үөрүүлээх тэрээһин Кыайыы болуоссатыгар ыытыллыаҕа.

 

Дьэ, онон бүгүҥҥүттэн ыла Кыайыы Знамята улуустарынан айана саҕаланна.

Елена ПОТОЦКАЯ, «Саха сирэ» хаһыат, edersaas.ru

Хаартыскаҕа Ксения Васильева түһэриитэ.

0
0

Добавить комментарий