«Кыайыы ырыаһыта: Александр Самсонов олоҕо уонна айар үлэтэ» быыстапка болҕомтону тардар
Саха сирин норуоттарын музыкатын уонна фольклорун түмэлигэр «Кыайыы ырыаһыта: Александр Самсонов олоҕо уонна айар үлэтэ» быыстапканы ыам ыйын 5-14 күннэригэр көрүөххүтүн сөп. Быыстапка Аҕа дойду уоттаах сэриитигэр Улуу Кыайыы 76 сылыгар ананар.
Быыстапкаҕа Александр Парфеньевич туттар мала-сала, түмэл пуондатыттан экспонаттар: артыыс Улуу Кыайыы 55, 60, 65, 70 сылларыгар түһэрбит хаартыскалара, альбомнара, суруйбут, эрэдээктэрдээбит кинигэлэрэ, ырыанньыктара, граммофон пластинкалара, диискэлэрэ, кэнсиэртэрин афишалара уо.д.а. бааллар.
А.П.Самсонов 2000 сылтан бэйэтэ көҕүлээн нэһилиэнньэни, эдэр ыччаты Ийэ дойдуга бэриниилээх буолууга сирдииргэ анаан үтүө санааланыы үлэтин тэрийэр. Өрөспүүбүлүкэ бары улуустарыгар сылдьан бэтэрээннэргэ, устудьуоннарга, оскуола үөрэнээччилэригэр иккилии чаастаах кэнсиэри биэрэр, кылаас чаастарыгар сылдьан олоҕун, оҕо сааһын, сэрии ыар сылларыгар дьон-сэргэ иэдээннээх эрэйи-кыһалҕаны эҥэринэн тэлбитин, төрөөбүт дойдуга таптал туһунан кэпсиир.
+1
+1
+1
+1
+1
+1
+1