Коронавирус пандемиятынан сибээстээн, быйыл Улуу Кыайыы 75 сылыгар анаммыт Кыайыы параадын ыытыыга үрдүкү салалта кэккэ варианнары ырытан көрөр.
edersaas.ru
РФ бэрисиэдьэнин пресс-сэкирэтээрэ Дмитрий Песков бэлиэтээбитинэн, Кыайыы параадын хайдах ыытыы боппуруоһа бу күннэргэ быһаарылла сылдьар. Бу иннинэ тэрээһин бэс ыйын 24 күнүгэр көһөрүллүбүтүн туһунан социальнай ситимнэргэ тарҕаммыта. Бу олоҕо суох иһитиннэрии буолан биэрдэ.
Арассыыйа интернет-агентстволара иһитиннэрбиттэринэн, билигин Кыайыы параадын хаһан ыытар туһунан икки варианы толкуйдууллар: ыам ыйын 9 күнүгэр Кыһыл болуоссакка көрөөччүтэ суох эбэтэр балаҕан ыйыгар Аан дойду Иккис сэриитэ түмүктэммитэ 75 сылыгар ыытыы. Арассыыйаҕа бу бэлиэ күн балаҕан ыйын 3 күнүгэр бэлиэтэнэр.
Кыайыы параадын бочуоттаах ыалдьыттарынан Аҕа дойду Улуу сэриитин кыттыылаахтара уонна тыыл бэтэрээннэрэ буолалларынан сибээстээн, ытык кырдьаҕастар доруобуйаларыгар сэбиргэхтэтэр дьаҥ туруутунан сибээстээн, куттал суоһуон сөп.
Сотору кэминэн Улуу Кыайыы 75 сылыгар анаммыт Кыайыы параада хаһан, хайдах ыытыллара быһаарыллыаҕа.
Елена ПОТОЦКАЯ, «Саха сирэ» хаһыат,edersaas.ru
Хаартыска — интэриниэттэн.