Уопсастыба

Кыайыы күнүгэр кыһыл саардар көттүлэр

Коронавирус дьаҥа Улуу Кыайыы бэлиэ күнүн хайдах да хам  баттаабат.

edersaas.ru

Нам улууһун Хатыҥ Арыы нэһилиэгэр Кыайыы күнүнэн  ыаллар дьиэлэрин, тэлгэһэлэрин киэргэппиттэр.  Күнүс 12 чааска нэһилиэк үрдүнэн  кыһыл саардары көтүппүттэр. Онтон киэһээ 10 чаас саҕана нэһилиэк бары ыала дьиэлэрин түннүктэригэр уонна тэлгэһэлэригэр өйдөбүнньүк чүмэчитин умаппыттар. Ону көтө сылдьан устар аппараатынан (дронунан) уһултаран ылбыттар.

Нэһилиэк олохтооҕо Нина Саввина:

—Биһиги аймах Улуу Кыайыы күнүгэр аҕалаах ийэбитин куоратынан, тыа сиринэн бука бары ахтан-санаан ааһар үгэстээхпит. Быйылгы бырааһынньыкпыт сэлэлии хаамыыта суох буолбутун да иһин, бары батсаабынан дьоммут-сэргэбит, ытык кырдьаҕастарбыт хаартыскаларын хардарыта ыытыһан, эҕэрдэлэһэн, оҕолор хоһоон ааҕан ньиргитэн күммүтүн улаханнык сэргэхситтилэр, — диэн кэпсээтэ.

Сардаана Баснаева, «Саха сирэ» хаһыат, edersaas.ru

Нина Саввина хаартыскалара

 

0
0
Telegram @edersaas20

Добавить комментарий