Сарсын, балаҕан ыйын 3 күнүгэр, Аан дойду иккис сэриитэ түмүктэммит күнүгэр Арассыыйа үрдүнэн «Кыайыы дьыктаана» ыытыллыаҕа.
Арассыыйа олохтоохторо Аҕа дойду Улуу сэриитин туһунан 25 ыйытыыга хоруйдаан, билиилэрин тургутан көрүөхтэрин сөп.
«Аахсыйа кыттыылаахтара электроннай грамоталары тутуохтара. Ыйытыыларга барытыгар сөпкө хоруйдаабыт дьону 2021 сылга Москваҕа Кыһыл болуоссакка Кыайыы параадыгар ыҥырыахпыт. Оттон абитуриеннар сөпкө хоруйдаатахтарына үөрэххэ туттарсалларыгар эбии бааллары ылыахтара«, — диэн тэрийээччилэр иһитиннэрэллэр.
Кыттыан баҕалаахтар диктантпобеды.рф саайтка эбэтэр «Диктант Победы» диэн төлөпүөн сыһыарыытыгар регистрацияны ааһаҕыт.
Сарсын биэс тыһыынчаттан элбэх киһи олорор нэһилиэнньэлээх пууннарга дьыктааны суруйарга былаһааккалар үлэлиэхтэрэ. Маны сэргэ саайтка уонна төлөпүөн сыһыарыытынан киирэн, «Кыайыы дьыктаанын» онлайн толоруохха сөп.
edersaas.ru
Хаартыска — диктантпобеды.рф