Дьокуускай куорат төрөөбүт күнүнэн уонна Улуу Кыайыы 75 сылынан тутулла турар Кыайыы пааркатын киин эбийиэгинэн буолуохтаах стела үөрүүлээх аһыллыыта бүгүн, балаҕан ыйын 13 күнүгэр, буолла.
edersaas.ru
Тэрээһиҥҥэ СӨ Ил Дархана Айсен Николаев: «Кыайыы паарката куорат олохтоохторун сөбүлээн сылдьар сирэ буолуоҕа диэн мин эрэнэбин. Бу аата биһиги куораппыт аан дойдуну аймаабыт дьаҥ да үрдүнэн, сайдар баҕалаах уонна кыахтаах диэн бэлиэтиибин», — диэн тыл эттэ.
Оттон Дьокуускай куорат баһылыга Сардаана Авксентьева: «Аҕыйах сыллааҕыта куорат олохтоохторун көмөлөрүнэн 202 микро-оройуоҥҥа “Туймаада саллааттара” комплекс тутуллубута. Аны билигин Кыайыы фондатыгар киирбит харчынан тутуллубут Улуу Кыайыы 75 сылыгар аналлаах стелаҕа кэлэн турабыт. Онон, түгэнинэн туһанан, хас биирдии куорат олохтооҕор махталбын тиэрдэбин. 2021 сылга тутуллан бүтүөхтээх Кыайыы паарката аныгы социальнай эбийиэгинэн буолуоҕа диэн мин эрэнэбин», — диэн санаатын үллэһиннэ.
Виктория Бястинова, «Саха сирэ» хаһыат, edersaas.ru