Соторутааҕыта өрөспүүбүлүкэҕэ коронавирус утары вакцина саҥа баартыйата кэлбитэ. Кэлбит 200 дозаны «кыһыл зонаҕа» үлэлиир мэдиссиинэ үлэһиттэрин икки ардыларыгар түҥэттилэр. Бу күннэргэ Саха сиригэр эбии 500 доза киирдэ. Маркировка кэнниттэн вакциналары эмтиир тэрилтэлэринэн түҥэтиэхтэрэ.
edersaas.ru
ОРВИ уонна кириип утары быһыы туһунан этэр буоллахха, былааннаммыт 60% тиийэ илик — билигин прививканы нэһилиэнньэ 53,4 % ылбыта биллэр. Ил Дархан Айсен Николаев Мииринэй, Алдан, Өлүөхүмэ, Өймөкөөн улуустара уонна Дьокуускай куорат бу тэрээһини хойутаппыттарын туһунан бэлиэтээн эттэ.
Өрөспүүбүлүкэ кылаабынай санитарнай бырааһа Маргарита Игнатьева ОРВИ уонна кириип статистикатынан тэҥнээһин оҥорон көрдөрдө. Кини этэринэн, эпидемиологическай боруок Аллайыаха, Ленскэй, Мииринэй, Аллараа Халыма оройуоннарыгар аһарыллыбыт.
Дьокуускай куорат туругун туһунан Сардаана Авксентьева билиһиннэрдэ. Ааспыт күннэргэ 2016 атыы-эргиэн уонна аһылык эбийиэктэригэр кэтээн көрүү тэрээһинэ барбыт. Ол түмүгүнэн хааччахтыыр дьаһаллар кэһиилэрэ 7 эбийиэккэ көстүбүт, эрдэ быраабыланы кэһиигэ тутуллубут 9 дьыалаҕа суут быһаарыыта таһаарылынна. Кинилэртэн үгүстэрэ үлэ болдьоммут кэмин кэһиини кытта сибээстээхтэр.
«Саха сирэ» хаһыат, edersaas.ru