«Кыһыл зонаҕа» үлэлии сылдьар эмчит Лиана Салиеваҕа көмөлөһөөрү маастар-кылаастары ыытар

Бөлөххө киир:

Сунтаар Күндэйэтиттэн төрүттээх Людмила Валентиновна Константинова биир дойдулаахтарын оҕолоро, кыракый Лиана Салиева ыарахан ыарыыттан эмтэнэригэр анаан, харчы хомуйан көмөлөһөөрү, «Волшебные крылья для Лианы» @workshop.by.lyudakonst диэн инстаграмҥа бырайыак арыйда.

edersaas.ru

Людмила Валентиновнаны кытары төлөпүөнүнэн сибээстэһэ сылдьыбыппытыгар, кыракый Лианаҕа аналлаах бырайыагын туһунан маннык кэпсээтэ:

Мин иллэҥ кэммэр иистэнэрбин олус сөбүлүүбүн. Онон Лиана Салиева ыарахан ыарыыга ылларбытын истэн, тугунан эмит көмөлөспүт киһи дии санаабытым. Өр толкуйдаабакка, инстаграм нөҥүө маастар-кылаастары оҥорорго санаммытым. Страницабын төлөбүрдээх оҥордум. Ол эбэтэр биирдэ эрэ 250 солкуобайы төлүүллэр уонна төһө баҕарар маастар-кылаастарга кытталлар, көрөллөр.
Билигин 3 күн иһигэр 5 тыһ. солк. киирбитин Лиана ийэтигэр ыыттым. Сорох оҥоһуктарбын бииргэ үлэлиир коллегаларбар атыылаатым. Ол харчытын эмиэ эбэн ыыттым. Идэбинэн медикпин. Билигин «кыһыл зонаҕа» үлэлии сылдьабын, — диэн кэпсээтэ.

Людмила Константинова бу страницатын @workshop.by.lyudakonst аҥаардас Лианаҕа көмөлөһөр эрэ сыаллаах арыйда. Онон төһө кыалларынан үтүө санаалаах Людмила страницатыгар киирэн суруттарыҥ!

edersaas.ru

+1
0
+1
0
+1
0
+1
0
+1
0
+1
0
+1
0