Кыһыл Сыыртан Мастаахха диэри гаас ситимин тутуу саҕаланна

Бөлөххө киир:

Бүгүн өрөспүүбүлүкэҕэ дьоһун суолталаах бэлиэ түгэн буолла. Ол курдук Бүлүү улууһугар «Кыһыл Сыыр — Мастаах 84» гаас ситимин бастакы ыпсыытын сыбааркалаатылар.  Үөрүүлээх тэрээһиҥҥэ Ил Дархан Айсен Николаев кыттыыны ылла.

Онон  Кыһыл Сыыртан Кэбээйи Мастааҕар диэри 84 км уһуннаах гаас магистральнай үһүс утаҕын тутуу саҕаланна.  Тутууну ыытыыга  федеральнай бүддьүөттэн 2,8 млрд солк. көрүллүбүтэ. Итиэннэ өрөспүүбүлүкэ судаарыстыбаннай бүддьүөтүттэн уонна «Сахатранснефтегазтан»  1,3 млрд солк. тыырыллыаҕа.

Гаас ситимэ тутулуннаҕына  өссө элбэх саҥа дьиэлэр, социальнай тутуулар, промышленнай предприятиелар гааска холбонууларыгар кыах бэриллиэҕэ.  Тутуу  2024 сылга түмүктэниэҕэ диэн Ил Дархан Айсен Николаев телеграмҥа ханаалыгар  суруйда.

 edersaas.ru
+1
0
+1
0
+1
0
+1
0
+1
0
+1
0
+1
0