«Кыһыл Сыыр 84 км» диэн бырайыагы олоххо киллэриигэ туһаныллыахтаах үп барыта көрүлүннэ
«Сахатранснефтегаз» АУо быйылгы сүрүн ситиһиитинэн өрөспүүбүкэ экэниэмикэтигэр улахан оруолу ылар Кыһыл Сыырга 84 км уһуннаах гаас үһүс утаҕын тардыыга аналлаах үбү көрдөрбүтэ буолар. Хампаанньа исписэлиистэрэ бу утаҕы тардыыны өр уонна дьаныардаахтык туруорсубуттарын түмүгэр, «Кыһыл Сыыр 84 км» диэн бырайыак үбэ федеральнай бүддьүөттэн тыырыллара ситиһилиннэ.
Ахсынньы 6 күнүгэр РФ Бэрэсидьиэнэ Владимир Путин федеральнай 2022 сыллааҕы уонна былааннаах 2023 уонна 2024 сыллар бүддьүөттэрин сокуонугар илии баттаабыта. 2022 сыллаахха бүддьүөт докумуонугар тустаах бырайыагы олоххо киллэрэргэ 2,8 млрд солк. тыырылларын туһунан киирбит.
Санатар буоллахха, бу бырайыак Ил Дархан Айсен Николаев дьаныардаахтык турууласпытын, туруорсубутун уонна ону РФ Судаарыстыбаннай Дууматын дьокутаата Галина Данчикова өйөөбүтүн түмүгэр ити олоххо киирэр буолла.
Тустаах магистральнай утаҕын тардыы уопсай сыаната 5 млрд. 449 мөл. солк. тэҥнэһэр. Ол аата «Сахатранснефтегаз» АУо инвестиционнай бырагыыраматынан 296 млрд. солк., өрөспүүбүлүкэ бүддьүөтүттэн 1, 352 млрд. солк. уонна федеральнайтан 2,8 млрд. солк. тыырыллыаҕа. Бырайыак эһиилгиттэн саҕаланан 2024 сылга түмүктэниэҕэ.