Токиоҕа ыытыллыбыт Паралимпийскай оонньуулар түмүктэнэн, бэҕэһээ дойду тэбэр сүрэҕэр Москубаҕа Арассыыйа хамаандатын үөрүүлээх быһыыга-майгыга чиэстээтилэр.
Уопсайа 118 мэтээл оонньонно. «Бу дойду сүүмэрдэммит хамаандатын устуоруйатыгар саамай бастыҥ көрдөрүү», — диэн СӨ бастайааннай бэрэстэбиитэлистибэтэ иһитиннэрдэ.
Саха сирин олохтоохторо бэйэлэрин биир дойдулаахтарыгар ис сүрэхтэриттэн кыайыыны баҕарбыттара. Степанида Артахинова ох саанан ытыыга боруонса мэтээли ылан, дьонун-сэргэтин үөртэ. Анастасия Диодорова уонна Алена Дмитриева бэйэлэрин көрүҥнэригэр эмиэ кыахтарынан кытыннылар.
Степанида Артахинова Кыһыл Болуоссакка ыытыллыбыт кыайыылаахтары чиэстиир тэрээһиҥҥэ кыттыыны ылла. Кинилэргэ анаан дойду судаарыстыбаннай гимнэ уонна Арассыыйа былааҕа көтөҕүлүннэ.
Елена ПОТОЦКАЯ, «Саха сирэ» хаһыат.
+1
+1
+1
+1
+1
+1
+1