Саҥа сыл саҕаламмыта баара-суоҕа 10 күн буолла эрээри, ити кэмҥэ өрөспүүбүлүкэ үрдүнэн 72 баһаар буолбут, итинтэн 44 чааһынай тутууну “кыһыл бөтүүк” мэҥиэстибит.
Ити түмүгэр биэс киһи араас хабааннаах эчэйиини ылбыт, суорума суолланыы тахсыбатах. Баһаарынай этэрээттэр сөптөөхтүк үлэлээн, өрө күүдэпчэлинэ турар дьиэлэртэн 30-тан тахса киһини быһаабыттар. Холобур, тохсунньу 7 күнүгэр Дьокуускай куорат Стадухин уулуссатыгар турар элбэх мэндиэмэннээх дьиэ умайбытыгар, биэс анал тиэхиньикэ кыттыбыта уонна Дьокуускайдааҕы баһаарынай-быыһыыр гарнизон 51 байыаһа дьон олоҕун туһугар хорсуннук үлэлээбитэ.
Эспиэрдэр быһааралларынан, бу баһаардар үксүлэрэ уоту, уотунан барар тэриллэри сэрэҕэ суохтук туһаныыттан тахсыбыттар. СӨ Ыксаллаах быһыыга-майгыга министиэристибэтэ Саха сирин олохтоохторо уоттан сэрэхтээх буоларгытыгар этэллэр, сүбэлииллэр-амалыыллар.
СИА хаартыската.