Кыһыҥҥы суолунан уматыгы тиэйии түмүктэннэ

Бөлөххө киир:

«Теплоэнергосервис» Өймөкөөн, Уус Дьааҥы, Уус Маайа улуустарын  эбийиэктэригэр  кыһыҥҥы суолунан  уматыгы тиэйии үлэтин түмүктээтэ  диэн тэрилтэ пресс-киинэ иһитиннэрэр.


Хампаанньа кыһыҥҥы суолунан 2019-2020  сыл түмүгүнэн,  барыта 182,6  тыһыынча туонна чоҕу  уонна 3,8 тыһыынча  ньиэби  тиэрдибит.

Муус устар 15 күнүн туругунан, күһүҥҥү-кыһыҥҥы кэм устата  былааннаммыт  уматык  99 %  тиксэриллибит.

Уустук  суоллаах Уус Дьааҥы улууһугар уматыгы таһыы түмүктэнэн эрэрин, ол да буоллар өссө  65 туонна ньиэп  Сайылык бөһүөлэгэр тириэрдиллиэхтээҕин, Өймөкөөн бары эбийиэктэрэ  чоҕунан хааччыллыбыттарын туһунан “Теплоэнергосервис” генеральнай  дириэктэрэ Илья Горбунов иһитиннэрэр.

Алдан, Томмот куораттарыгар, Аллараа Кураанах, Ленинскэй бөһүөлэктэригэр уонна  Бөллөт эбэҥки  национальнай  нэһилиэгэр  Нерюнгриттан уонна  Хакасия “Степной” диэн  таас чоҕу хостуур тэрилтэтиттэн тимир суолунан уматык өссө да  тиэйиллиэхтээх. Муус устар 15 күнүнээҕи туругунан, бу  улуустар оттуллар эбийиэктэригэр   кытаанах уматык ирдэниллэр саппааһа баар.

Ньургуйаана Иванова «Саха сирэ» хаһыат, edersaas.ru

Хаартыска интэриниэттэн

+1
0
+1
0
+1
0
+1
0
+1
0
+1
0
+1
0