Бу сыл кулун тутар 29 күнүнээҕи туругунан улуустарга, нэһилиэктэргэ 692,2 тыһ. туонна (былаантан 90,2%) таһаҕас тиэйилиннэ. Тиэйии-таһыы үлэтигэр 764 массыына кытынна. Бүгүҥҥү туругунан эрэгийиэн кыһыҥҥы суоллара бары үлэлии тураллар, диэн Саха сирин нэһилиэнньэтин олоҕун-дьаһаҕын хааччыйыыга судаарыстыбаннай кэмитиэт пресс-сулууспата иһитиннэрэр.
“Муус устар бастакы декадатыгар мууһунан туорааһыннарга уонна сезоннааҕы массыына суолларыгар таһаҕас уйугун кээмэйин Саха Өрөспүүбүлүкэтин киин өттүгэр аччатыахтара, оттон Арктика оройуоннарыгар муус устар иккис декадатыттан уйук кээмэйин түһэриэхтэрэ”, — диэн кэпсээтэ тустаах кэмитиэт таһаҕаһы тиэйиини тэрийиигэ уонна сүрүннээһиҥҥэ департаменын салайааччыта Афгалина Матвеева.
Олоҕу-дьаһаҕы хааччыйар тыын суолталаах таһаҕаһы тиэйии түмүктэнэр түһүмэҕэр үктэннэ. Күн аайы төһө кээмэйдээх тиэйиллэрин кэтээн көрөллөр.
Сахагов саайтан
Бэлэмнээтэ Женни Стрюкова
Хаартыска: sakhagov.ru