Сэтинньи 16 күнүттэн Бүлүү улууһугар «Лүүчүн» суол учаастага аһыллан, массыыналар кыһыҥҥы суолунан туох да харгыһа суох айанныыр буоллулар.
edersaas.ru
«СӨ массыына суолларын управлениета» ГКУ иһитиннэрбитинэн, «Кэбээйи» региональнай таһымнаах суолугар Аһыма – Кэбээйи учаастагынан 5 туоннаҕа (үрэҕи туорааһыҥҥа) айан-сырыы олохтонно.
Оттон «Бүлүү» федеральнай суол кыһыҥҥы учаастактара ахсынньы 15 күнүгэр аһыллаллара күүтүллэр. Күн-дьыл туругуттан көрөн, кыраапыгы сыҕарытан биэриэхтэрин сөп. Өлүөнэ өрүһү туоруур суол туһунан эттэххэ, билигин сорох суоппардар Хатас – Павловскай хайысхатынан номнуо айаннаан эрэллэр. Инньэ гынан, суолу оҥоруу үлэтин харгыстаһаллар диэн СӨ Тырааныспарын уонна суол хаһаайыстыбатын министиэристибэтэ иһитиннэрдэ. Быһа холоон, бу хайысханан суол 3 туоннаҕа диэри сэтинньи 21 күнүгэр аһыллыахтаах.
Анивера АКИМОВА, edersaas.ru