Саҥа сылы көрсө дьиэлэрин таһын харбыыр үлэһиттэргэ дьон махтанарын туһунан кыралаан социальнай ситимнэргэ тарҕаммыта.
Бүгүн, ахсынньы 29 күнүгэр, Дьокуускай куорат ДСК түөлбэтин, Воинскай уул 9/21 куорпуһун олохтоохторо кыһамньылаах үлэһиккэ махтаннылар. Бу туһунан дьиэ олохтооҕо, көҕүлээччи Юлиана Николаева сырдатта:
— Биһиги дьиэбит таһын куруук хомуйар, харбыыр Макаров Егор Никифоровичка махтанаммыт, дьиэбит олохтоохторун аатыттан 16 тыһыынча солк. хомуйан бэлэх ууннубут. Дьиэбит тула элбэх ыттар, аттар мустан бөҕү ыһалларын-тоҕоллорун, Егор Никифорович куруук көрөн хомуйар, сүнньүн көннөрбөккө үлэлиир. Онон сыралаах үлэлэрэ махталлаах буоллун диэн биһиги дьиэ олохтоохторо сэмэй бэлэхпитин туттардыбыт.
Ульяна Захарова.
+1
+1
+1
+1
+1
+1
+1