«Айта» кыһалҕаны биир баттааһынынан быһаарар

Ааптар: 
Бөлөххө киир:

«Айта» цифровой көмөлөһөөччү Сахабыт сирин олохтоохторун үгүс ыйытыытыгар хоруйдаата уонна кыһалҕаларын быһааран биэрдэ: идэлээх үлэһиккэ приемҥа суруттарарга көмөлөстө, айан төлөбүрүн компенсациятын туһунан кэпсээтэ, бөх хомуйуутун дьаһайда уо.д.а.

Өскөтүн эһиги ОДьКХ, дьиэ толору хааччыллыытыгар, субсидия, доруобуйа харыстабылыгар, оскуолаҕа эбэтэр оҕо саадыгар суруттарыыга ханна эрийэргитин билбэт буоллаххытына,  Ил Дархан цифровой көмөлөһөөччүтүгэр «Айтаҕа» эрийиэххитин сөп. Нүөмэрэ: 51-00-00. Кини суукканы эргиччи үлэлиир.

Бу көмөлөһөөччү ханнык баҕарар кыһалҕаны быһаарыа, этэн биэриэ уонна ыйытыыга хоруйдуо. «Айта» нөҥүө киирбит сайабылыанньа биир суукка иһигэр көрүллэр уонна быһаарар кыахтаах бэйэни салайыныы олохтоох уорганнарыгар, дуоһунастаах сирэйгэ быһаарарыгар ыытыллар.

Эппиэт кэллэҕинэ «Aйта» сайабылыанньалаах гражданинҥа төлөпүөннээн эрийэн, информацияны төттөрү тириэрдэр.

Этиигитин www.Yakutia.click диэн саайтка, эбэтэр инстаграмҥа @oneclickyakutia диэн аккауҥҥа суруйуоххун сөп. Бүтүн өрөспүүбүлүкэ үрдүнэн үлэлиир.

+1
0
+1
0
+1
0
+1
0
+1
0
+1
0
+1
0