Сунтаар улууһун Кутана нэһилиэгэр Бүтүн Арассыыйатааҕы ийэлэр күннэригэр анаан, «Ийэлэр кэрэлэр, ийэлэр көхтөөхтөр» диэн тэрээһин буолан ааста.
Олохтоох дьаһалта нэһилиэк олоҕор көхтөөхтүк кыттар активист ийэлэргэ Махтал суруктары, оттон «Арассыыйа ийэлэрэ» түмсүү өр сыл таһаарыылаахтык үлэлээбит ийэлэргэ өйдөбүнньүк сэмэй бэлэхтэри туттартаатылар.
«Ийэлэр кэрэлэр, ийэлэр көхтөөхтөр»диэн түөрт түһүмэхтээх куонкурус ыытылынна. Манна үс көлүөнэ ийэлэрэ көхтөөхтүк кытыннылар. Ол курдук түөрт түһүмэхтээх тургутууну ааһан, бастыҥ көрдөрүүлээх «Төлөн» дьүөгэлиилэр хамаандалара бастаатылар.
Күрэххэ кыттыбыт ийэлэр хас биирдиилэрэ бэлэх ылан үөрдүлэр-көттүлэр. Кэлбит ийэлэргэ остуол оонньуулара ыытылынна.
Тамара Оконешникова, «Арассыыйа ийэлэрэ» түмсүү Кутанатааҕы салаатын салайааччыта.