Эбээн Бытантай оройуонугар Кустуурга саҥа оскуоланы тутуохтара. Арктика сайдыытыгар уонна хотугу норуоттар дьыалаларыгар миниистири солбуйааччы Михаил Погодаев социальнай ситимнэринэн быһа сибээскэ бэлиэтээн эппитинэн, атырдьах ыйыгар бырайыактыыр-сметнай докумуону оҥорууга куонкурус ыытыллар. Бу туһунан СИА иһитиннэрэр.
«Кустуурга оскуола тутулларыгар сыал-сорук туруоруллар. Билигин балаһыанньата оҥоһуллан, бырайыактыыр-сметнай докумуонун оҥорууга куонкурус ыытыллара былааннанар. Куонкурус быһа холуйан, атырдьах ыйын саҥатыгар ыытыллыахтаах уонна үбэ-харчыта номнуо өрөспүүбүлүкэ инвестиционнай бырагырааматыгар бырайыактыыр-сметнай докумуону оҥорорго көрүллэн турар. Салгыы оскуоланы тутууга үп-харчы көрүллүүтүн боппуруоһа туруоруллуо», — диир Михаил Погодаев.
Санатан эттэххэ, Эбээн Бытантай оройуонугар Кустуурга тохсунньу 29 күнүгэр оскуола спортсаалата умайбыта, уот оскуоланы хаппыта.
+1
+1
+1
+1
+1
+1
+1