«Кустук» кулууп СӨ Конституциятыгар уларытыылары киллэрии тула мунньахтаата

Ыам ыйын 19 күнүгэр «Кустук» уопсастыбаннай-консультативнай кулууп «төгүрүк остуол» тэрийдэ. Манна Саха Өрөспүүбүлүкэтин Конституциятыгар уларытыылары киллэрии бырайыагын тула кэпсэтии таҕыста.

Мунньах кэмигэр СӨ Ил Дарханын уонна Бырабыыталыстыбатын дьаһалтатын быраап боппуруостарыгар департаменын салайааччы Ольга Романова гражданнар социальнай бырааптарын туһунан уларытыылар учуоттаммыттарын бэлиэтээтэ. Кини уларыыталарга аҕа оруолугар, мэдиссиинискэй өҥө кэмигэр уонна хаачыстыбалаахтык оҥоһулларыгар, оройуоннааҕы коэффициент уонна «надбавка» учуоттаммытыгар болҕомтотун уурда.

СӨ Ил Дархана Айсен Николаев СӨ Конституциятыгар киириэхтээх уларытыыларга Саха сирин олохтоохторун хаачыстыбата үрдүүрүгэр уонна судаарыстыбаннай былаас, бэйэни салайыныы уорганнара үлэлэрэ көдьүүстээх буоларыгар сыал туруорбута. Ил Дархан бу сыаллары конституционнай хамыыһыйаҕа киирбит норуот дьокутааттарын этиилэрин уонна араас былаһааккаларга кэпсэтии тахсыбытын учуоттаан быһаарбыта. Былырыын атырдьах ыйыттан Ил Дархан туруорбут сыаллара ырытылыннылар. Бу туһунан «Кустук» мунньаҕын кэмигэр профессордар, юридическай наука доктордара Дмитрий Миронов, Александр Ким-Кимэн, Ил Түмэн сис кэмитиэтин бэрэссэдээтэлэ Алексей Еремеев уо.д.а. кэпсэттилэр.