Сааскы кустааһын чугаһаата. Булчуттар сыыйа-баайа бултуур тэриллэрин көрүнэллэр, ботуруон атыылаһаллар, мончуук оҥостоллор.
Сааскы булт диэн саха эр киһитигэр саамай күүтүүлээх кэм буоллаҕа. Ол эрээри, «аан дойдуну аймаан эрэр коронавирустан сылтаан, кустааһын көҥүллэниэ дуо?» диэн долгуйааччылар элбээтилэр. Ол туһунан сиһилии мантан ааҕыҥ.
Онон саамай долгутуулаах боппуруоска СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Булт департаменын салайааччытын солбуйааччы Анатолий Семенович Поповтан сааскы кус көҥүлүн туһунан туох быһаарыы ылыллан эрэрин туһунан чопчуластыбыт.
Онуоха Анатолий Попов маннык хоруйдаата:
— COVID-19 вирус ууга устар көтөрдөргө сыстыбыт түгэнэ бэлиэтэнэ илик, онон сибээстээн билиҥҥитэ ууга устар көтөрдөргө сааскы бултааһыны бобор туһунан боппуруос тура илик. Ол эрээри билиҥҥи туругунан өрөспүүбүлүкэҕэ эпидемиологическай балаһыанньа сытыырхайбытынан сибээстээн, булт ресурсаларын бултааһыҥҥа көҥүлү биэрии (разрешение) боппуруоһа турар. Баҕар, көҥүлү биэрии тохтотуллуон сөп.
Дьэ, онон сааскы кустааһын туһунан сибидиэнньэлэри биллэхпитинэ, “Эдэр саас” саайтыгар биллэрэ олоруохпут.
Санаабытын түһэрбэппит, күндү кусчуттар!
Женни Стрюкова, edersaas.ru
Хаартыска — интэриниэттэн.