Куруһуоктарга куорат пааркатыгар суруттарыахха сөп

Ааптар: 
Бөлөххө киир:

Дьокуускай куорат култууратын уонна сынньалаҥын пааркатыгар балаҕан ыйын 4 күнүгэр, күнүс 13:00 ч. оҕолорго аналлаах куруһуоктар бэстибээллэрэ тэриллэр. Ыалдьыттары уонна куорат олохтоохторун араас маастар-кылаастар уонна идэҕэ эрдэттэн туһаайар (профориентационнай) оонньуулар күүтэллэр. Төрөппүттэр оҕолорун онно миэстэтигэр куруһуоктарга, успуорт секцияларыгар суруттарыахтарын сөп диэн СИА-ҕа иһитиннэрэллэр.  

Куруһуоктары билиһиннэрии (презентация) култуура уонна сынньалаҥ пааркатыгар сайыҥҥы сценаҕа 13:00-18:00 ч. буолуоҕа. Ону таһынан, оҕолор англия тылыгар билиилэрин таһымын быһаарар тургутууну (тестирование) ааһыахтарын сөп. Дьокуускай куораттааҕы крафт устуудьуйаҕа төрөппүттэр 5-14 саастаах оҕолорун живопись, керамика уонна мэһийии кууруһугар суруйтарыахтарын сөп. Кинилэр пааркаҕа уруһуйга уонна туойунан (полимернай глина) мэһийиигэ маастар-кылаастары биэриэхтэрэ.

Уопсайынан, куруһуоктар бэстибээллэрин бырагыраамата киэҥ, иероглифынан суруйууга, буокска, дзюдоҕа уонна тхэквондоҕа, ону тэҥэ, акрилкыраасканан уруһуйдуурга дьарыктарга, киин үрдүк үөрэх тэрилтэлэрэ сүбэ-ама биэриэхтэрэ, роботтар хайдах үлэлииллэрин көрдөрүөхтэрэ.

Саина ТИТОВА, СИА.

+1
0
+1
0
+1
0
+1
0
+1
0
+1
0
+1
0