СӨ Роспотребнадзорун управлениета иһитиннэрбитинэн, ахсынньы 22 күнүнээҕи туругунан, куорунан 40 киһи киһи ыарыйда. Кинилэртэн уон киһитэ – 17-гэр диэри саастаах оҕо.
Ыалдьыбыт дьон үксэ куору утары быһыыны ылбатахтар.
Уустук балаһыанньанан сибээстээн, СӨ кылаабынай санитарнай бырааһын уурааҕа таҕыста.
Уураахха олоҕуран, үөрэх тэрилтэлэригэр, орто уонна үрдүк үөрэх кыһаларыгар сэрэтэр быһыыны ылбатах уонна быһыы ылбыттарын туһунан сибидиэнньэлэрэ суох үөрэнээччилэр, устудьуоннар уонна үлэһиттэр кэлэктиипкэ киллэриллибэттэр.
Эмтиир тэрилтэлэргэ быһыы биэрэргэ эбии биригээдэлэр тэрилиннилэр.
Ахсынньы 22 күнүнээҕи туругунан, 5140 киһи, ол иһигэр 3253 оҕо уонна 1887 улахан киһи быһыы ылла.
Надежда ЕГОРОВА, “Саха сирэ” хаһыат, edersaas.ru
+1
+1
+1
+1
+1
+1
+1