Дьокуускай баһылыга Сардаана Авксентьева сорудаҕынан, муус устар 1 күнүттэн куорат таһынааҕы оптуобустарга уонна таһаҕаһы тиэйиигэ төлөбүр чэпчиэҕэ.
edersaas.ru
«Куорат таһынааҕы бөһүөлэктэргэ айанныырга уу харчынан төлөөтөххө 60 солкуобай, «Спутник» тырааныспар каартатынан – 51 солкуобай. Сорох хайысхаларынан тарыып икки төгүл кыччаата. Тырааныспар үлэтин хаачыстыбатыгар ол дьайыа суоҕа», — диэн Сергей Максимов, ЯПАК МУП дириэктэрэ иһитиннэрдэ.
Ону таһынан, куорат таһыгар биир ыйга хааччаҕа суох айанныырга 2500 солкуобайга айан каартатын атыылаһыахха сөп. Оттон нэһилиэк иһигэр айанныырга төлөбүр 28 солкуобай, электроннай төлөбүрүнэн 25 солкуобай. Социальнай каарта чэпчэтиитэ уруккутунан хаалар.
Билиҥҥи туругунан, Дьокуускай уокуругар күн ахсын куорат таһыгар 31 оптуобус сылдьар диэн Уопсастыбаннаһы уонна сонуннары киэҥник тарҕатар сириэстибэлэри кытта сибээскэ департамент иһитиннэрэр.
Марианна Тыртыкова, «Саха сирэ», edersaas.ru