Дьокуускай куорат Губинскай уокуругун эдэр ыала «Орто дойду» туристическай комплекска «Табыс» ыччат бэстибээлигэр ыытыллыбыт «Эдэр ыал -2019» өрөспүүбүлүкэтээҕи куонкуруска ситиһиилээхтик кытынна.
Бу туһунан уокурук бырабылыанньатыттан сырдаттылар.
Күөн күрэскэ биир уонна онтон элбэх оҕолоох, 35-гэр диэри саастаах ыаллар кытыннылар. 22 эдэр дьиэ кэргэн визитнэй карточкаларын, үгэстэрин билиһиннэрдилэр, талааннарын көрдөрдүлэр. Бу куонкуруска Дьокуускай куораттан кыттыбыт түөрт дьиэ кэргэн олус тахсыылаахтык кыттан барыбытын үөртүлэр. Куонкурустаһааччылар бары дьоҕурдаахтара, билиилэрэ-көрүүлэрэ, уран тарбахтаахтара сөхтөрдө.
Губинскай уокуруктан Айталина уонна Сергей Протопоповтар кытыннылар. Биһиги кинилэргэ уокурукпут бырабылыанньатын аатыттан истиҥник махтанабыт. Куруутун да бу курдук көхтөөх, үлэҕэ-хамнаска, үөрүүгэ-көтүүгэ өрүү инники сылдьыҥ диэн алгыыбыт диэн суруйаллар.
+1
+1
+1
+1
+1
+1
+1