Сүрүн Уопсастыба Үөрэх уонна наука

Куорат ханнык оскуолаларын өрөмүөннүөхтэрэй?

“Үөрэҕи сайыннарыы” федеральнай бырагыраама суотугар быйыл Саха сиригэр 58 эбийиэккэ хапытаалынай өрөмүөнү ыытыахтара. Итинтэн 11 оскуола – Дьокуускай куоракка.

edersaas.ru

Дьокуускай куорат үөрэҕин управлениета бу күннэргэ таһаарбыт отчуотугар сурулларынан, үүммүт 2022 сылга федеральнай бүддьүөт суотугар, уопсайа 11 оскуолаҕа өрөмүөн ыытыллыаҕын билиһиннэрбиттэр. Ол курдук, тустаах испииһэккэ Саха политиэхиньиическэй лиссиэй, Дьокуускай куораттааҕы национальнай гимназия, 10-с, 20-с, 21-с, 23-с, 27-с, 31-с, 33-с, 36-с, Марха 1-кы нүөмэрдээх оскуолалара хабыллыбыттар. Манна федеральнай хааһынаттан барыта 877 мөл. солк. көрүллэр. Тустаах суумаҕа өрөмүөнү таһынан аныгы ирдэбилгэ эппиэттиир тэрилинэн (оборудование) хааччыйыы эмиэ киирэр. Докумуонун кулун тутар 1 күнүгэр диэри бэлэм оҥоруохтаахтар.

 

Людмила ПОПОВА, “Саха сирэ” хаһыат, edersaas.ru

Хаартыска: school33.yaguo.ru

0
0
Telegram @edersaas20