Дьокуускайга “Сайсары” бааһынай ырыынагын кытта силлиһэ сытар Хомсомуол болуоссатын киэҥ-куоҥ былаһааккатыгар алтынньы 28-29 күннэригэр үгэскэ кубулуйбут «Саха сирин балыга – 2017» өрөспүүбүлүкэтээҕи дьаарбаҥка-быыстапка ыытыллыа.
Онно киин куорат олохтоохторугар уонна ыалдьыттарыгар 25 туонна балыгы удамыр сыанаҕа атыыга таһаарыахтара. Тоҕо диэтэххэ, ити икки күнү быһа (субуотаҕа уонна өрөбүлгэ) ыытыллар бэртээхэй тэрээһиҥҥэ хотугу улуустартан кэлбит 20-чэ балыксыт хаһаайыстыба бэйэтэ бултаан баран сибиэһэйдии тоҥорбут, астаабыт балыгын быһаччы атыыга таһаарыаҕа. Ону таһынан балык булдугар туттуллар тэрил-тээбирин атыыланарын иһитиннэрэбит.
Василий НИКИФОРОВ, “Саха сирэ” хаһыат,edersaas.ru
+1
+1
+1
+1
+1
+1
+1