Красноярскайтан сылдьар Игорь Якубенко «Хотугу сиргэ тутуу индустрията» быыстапкаҕа кэлээт, куорат тутууларын анаан сирийэн үөрэппит. edersaas.ru
Буолумуна, кини — куорат дьиэлэрин тас көстүүлэрин (фасад) киэргэтэр араас сиэдэрэй билиитэлэри оҥорор «Волна» тутуу кэмбинээтин бэрэстэбиитэлэ.
— Саха сиригэр бастакы кэлиим. Биһиги тэрилтэбит үһүс сылын өрөспүүбүлүкэ ырыынагар үлэлиир. Быыстапкаҕа аҕалбыт билиитэлэр холобурдарын бэдэрээччиттэр кэлэн билистилэр, нэһилиэктэртэн сылдьар дьон интэриэһиргээтилэр. Мин тутааччы идэлээх киһи буоларым быһыытынан, куорат дьиэлэрин тас көстүүтүн үөрэтэн көрдүм.
Саҥа тутуллубут дьиэлэргэ сонун технологиянан оҥоһуллубут билиитэ баһылыыр оруолу ылар эбит. Онон Дьокуускай куорат аныгы олох тэтиминэн хардыылыырын бэлиэтии көрдүм, — диэн санаатын үллэстэр киин сир бэрэстэбиитэлэ.
Тутуу, архитектура хайысхатыгар сонун көрүүлээх исписэлиистэр ити курдук кэлэ-бара сылдьан, маннык быыстапкаларга кыттан, куораппытын саҥалыы тыынныыллар, бииргэ үлэлээһиҥҥэ сайдар саҕахтар тосхоллорун тобулаллар.
Елена ПОТОЦКАЯ, «Саха сирэ» хаһыат, edersaas.ru
Хаартыскаҕа уонна видеоҕа ааптар түһэриитэ уонна устуута.