Дьокуускай куоракка элбэх оҕолоох ыалга көрүллэр босхо сир учаастагын сыл бүтүүтүттэн түҥэтэн саҕалыахпыт диэн куорат баһылыга Евгений Григорьев иһитиннэрбит.
“Судаарыстыбаннай баайы-дуолу салайар федеральнай ааҕыныстыбаттан (Росимущество) 3 мөл. кв. миэтэрэ иэннээх икки улахан сир учаастагын ыллыбыт. 2022 сыл устата сири былаанныыр уонна быһар бырайыагы оҥоруохпут. Судургутук эттэххэ, элбэх оҕолоох ыалга түҥэтэр туһугар 2200 учаастактарга араартыахтаахпыт. 2022 сыл бүтүүтэ – 2023 саҥата учаастактары биэрэн саҕалыыр былааннаахпыт”, — диэн Евгений Григорьев эппит.
Онон биэстии-алталыы сыл уочаракка турбут элбэх оҕолоох ыал сыл бүтүүтүттэн уочарат хамсыыр ини диэн иһитиннэриини үөрэ иһиттилэр.
Хаартыска: СИА.
+1
+1
+1
+1
+1
+1
+1