От ыйын 2 күнүгэр Саха сирин киин быыбардыыр кэмитиэтэ барыллаан түмүктэр тустарынан пресс-кэмпириэнсийэни ыытта.
edersaas.ru
Бүтэһиктээх, чопчу түмүк бүгүн киэһэ тахсыахтаах. Быыбардыыр кэмитиэт бэрэссэдээтэлэ Алексей Ефимов иһитиннэрбитинэн, 671 тыһыынча быыбардааччыттан 350 427 киһи (55,56%) куоластаабыт.
Саамай элбэх киһи Өлөөҥҥө – 93,46%, Анаабырга — 87,03%, Үөһээ Бүлүүгэ – 85,52% кэлэн куоластаабыт.
Өрөспүүбүлүкэ үрдүнэн “Конституцияҕа киирэр уларытыыларга сөбүлэһэбин” диэн 204 435 киһи (58,34%) куолаһын биэрбит. Манна Аллараа Халымаҕа – 82%, Үөһээ Бүлүүгэ – 81%, Орто Халымаҕа – 79% куоластааччылар сөбүлэһэллэрин биллэрбиттэр.
“Утарабын” диэн барыта 142 464 киһи (40,65%) куоластаабыт.
Ангелина Васильева, “Саха сирэ” хаһыат, edersaas.ru
Хаартыска: Андрей Сорокин.
+1
+1
+1
+1
+1
+1
+1