Судаарыстыбаннай Дуума депутаттарын быыбарын таһынан Ил Түмэҥҥэ икки быыбардыыр уокурукка, ону сэргэ улуустарга, нэһилиэктэргэ муниципальнай быыбардар бара тураллар. Үгэс курдук, хотугу улуустарга быыбарга кыттыы көхтөөх.
Ол курдук, бүгүн киэһэ Быыбар киини хамыыһыйатын аҕыс чаастааҕы дааннайынан, Анаабырга куоластааччылар 60,31% быыбарга кытынна. Өлөөҥҥө – 46,03 %, Абыйга – 44,44 %, Булуҥҥа – 42,97%, Горнайга – 42,61 %, Эбээн Бытантайга – 42,32 % куоластаатылар.
Санатан эттэххэ, Булуҥҥа, Эдьигээҥҥэ олохтоохтор улуус баһылыктарын талаллар. Ону таһынан Абыйга, Эдьигээҥҥэ, Аллараа Халымаҕа, Орто Халымаҕа улуус депутаттара быыбарданаллар. Аллайыахаҕа, Үөһээ Халымаҕа, Бүлүүгэ, Өлөөҥҥө, Сунтаарга, Тааттаҕа, Уус Алдаҥҥа, Уус Маайаҕа, Хаҥаласка, Чурапчыга улуус сэбиэтигэр эбии быыбардар буолаллар. Ону сэргэ 37 нэһилиэк олохтоохторо аҕа баһылыктарын талыахтара.
Аграфена КУЗЬМИНА
+1
+1
+1
+1
+1
+1
+1