Аллайыаха улууһугар Арассыыйа Төрүт Сокуонугар куоластааһыҥҥа олохтоох усулуобуйаҕа сөп түбэһиннэрэн, үчүгэйдик тэриммиттэрэ.
Улуус саамай кытыы, уустук суоллаах-иистээх Бөрөлөөх нэһилиэгин олохтоохторо өрүү буоларын курдук көхтөөхтөр. Бу туһунан биллэр уопсастыбаннай эколог Людмила Колесова маннык иһитиннэрдэ:
— Аллайыаха улууһун Бөрөлөөх нэһилиэгэр Төрүт Сокуоммутугар уларытыылары киллэриигэ куоластааһын бэс ыйын 25 күнүттэн саҕаламмыта. Учаастактааҕы быыбардыыр хамыыһыйа бэрэссэдээтэлэ Афанасий Афанасьевич Хабаров куоластааһыҥҥа сөптөөх тэрээһиннэр ыытылыннылар, куоластааччыларга мааскалар, бэрчээккилэр, уруучукалар бэлэмнэниллибиттэрин туһунан кэпсээтэ. Сэкирэтээр Раиса Дмитриевна Лебедева иһитиннэрэринэн, куоластааһыҥҥа бэҕэһээ — 17, бүгүн сарсыардаттан 3 киһи кыттыыны ылбыт. Нэһилиэккэ бу улахан, дьоһун суолталаах хампаанньаҕа бэлэмнэнэн, бибилэтиэкэҕэ иһитиннэрэр, кэпсиир истиэндэ оҥоһуллан, олохтоохтор билсиһэ олороллор. Онон бөрөлөөхтөр көхтөөхпүт.
Женни СТРЮКОВА
Хаартыскаҕа: куоластыыр учаастакка. Л.Колесова түһэриитэ