Маны аах Тыа хаһаайыстыбата

Куокунуга хаппыыстаны хото үүннэрэллэр

Атырдьах ыйын 27 күнүгэр тыа хаһаайыстыбатын управлениетын салайааччыта Владимир Анисимов уонна сүрүн исписэлиис Антонина Кириллина Куокуну нэһилиэгэр сырыттылар.

Куокуну нэһилиэгэр баһылык Леонид Михалев, оскуола директора Николай Иванов уонна оскуола производственнай үөрэтии маастара Максим Павлов хаппыыста үүннэрэр сиргэ  сырытыннардылар. Быйыл «Золотой гектар» уонна саҥа көрүҥ «Ринда» олордубуттар. Билигин үүммүт оҕуруот аһын түргэнник нэһилиэнньэҕэ батарыыга уонна үрдүгэр астаан оҥорон таһаарыы боппуруоһа турар.
Салгыы бааһынай  хаһаайыстыбалаах Радислав Попов хотонугар сылдьыы буолла.  Ходуһалар оттонон бүппүттэр, быйыл кураан дьыл буолан от үүнүүтэ мөлтөх, хаһаайын кыстыгы туоруур от саппааһа тийбэтин кэпсиир.

«Сунтаар улууhа (оройуона)» муниципальнай оройуон дьаһалтатын пресс-сулууспата.

0
0