Култуура тэрилтэлэрэ Роспотребнадзор быраабылаларын тутуһан үлэлиэхтэрэ

Ааптар: 
Бөлөххө киир:

Бүгүҥҥү күҥҥэ өрөспүүбүлүкэ үрдүнэн 32 култуура уонна сынньалаҥ тэрилтэтэ олохсуйбут көрүҥүнэн үлэлиир. Оттон 454 тэрилтэ үлэтин онлай ыытар.

Кэлэн иһэр Саҥа дьыл бырааһынньыктарынан сибээстээн, култуура үлэһиттэрэ уонна дойдубут олохтоохторо бу күннэргэ сынньалаҥ кииннэрэ, кулууптар олохсуйбут көрүҥүнэн үлэлииллэрин туруорсаллар. Бу боппуруоһу олохтоох дьаһалта коронавирус инфекциятын утары дьайыыга бэлэмиттэн көрөн тустаах дьаһалы ылыахтаах. Дьон мустар тэрилтэлэр үлэлэрин сөргүтүү былаана муниципальнай таһымҥа ырытыллан бигэргэтиллиэхтээх.

Кэнсиэри, маассабай тэрээһини ыытар көҥүллэнэр эрээри, Суһал ыстаап түһэрбит дьаһалларын олоччу тутуһар эрэ түгэҥҥэ. Ол курдук, холобур, саала туолуута 50%-тан тахсыа суохтаах. Кулууп тэрилтэлэрин кытта үлэ (уопсай интэриэстээх кулууптар, куруһуоктар үлэлэрэ) 15-тэн тахса киһи кытттара көҥүллэммэт. 65 саастарыттан үөһэ саастаахтар көрөөччү эбэтэр кыттааччы быһыытынан сылдьаллара көҥүллэммэт.

Маны таһынан Роспотребнадзор бары миэрэлэрин — социальнай дистанцияны тутуһуу, илиини дезинфекциялааһын, маасканы булгуччу кэтээһин ирдэнэр.

Бу күннэргэ сорох култуура тэрилтэлэрэ үлэлэрин саҕалаан эрэллэр. Бу нэдиэлэҕэ Хотугу кыра ахсааннаах норуоттар тыйаатырдара испэктээкиллэрин көрдөрөн саҕалыаҕа. Ахсынньы иһигэр Саха тыйаатыра, Опера уонна балет тыйаатыра, Нуучча тыйаатыра, Нерюнгритааҕы куукула тыйаатыра, Ньурба тыйаатыра, Үҥкүү тыйаатыра саҥа премьераларын көрдөрөр былааннаахтар.

Хаартыска

СӨ култуураҕа уонна духуобунай сайдыыга министиэристибэтин пресс- сулууспата

+1
0
+1
0
+1
0
+1
0
+1
0
+1
0
+1
0