Саха сирэ «Култуура» национальнай бырайыагы олоххо киллэриитинэн Уһук Илиҥҥэ инники күөҥҥэ сылдьар.
Быйыл Нам улууһугар Аппааныга култуура дьиэтин үлэҕэ киллэриэхтэрэ, оттон Тааһаҕарга (Бүлүү оройуонугар) эбийиэги тутуу үлэтэ ыытыллар. Эһиил федеральнайтан үбүлээһин суотугар өссө икки култуура дьиэтин тутары былаанныллар. 2022 сылга Намҥа уонна Бороҕоҥҥо култуура дьиэлэрин киллэриэхтэрэ диэн Ulus.media иһитиннэрэр.
«Маны таһынан, бибилэтиэкэлэр тиһиктэрэ саҥардыллаллар, саҥа тэриллэринэн хааччыллыннылар уонна дьон-сэргэ сибээстэһэр эйгэтинэн буоллулар. Итини тэҥэ оҕо ускуустубатын 12 оскуолата тэриллэринэн, 5-6 мөл.солк. суумалаах муусука үстүрүмүөннэринэн хааччыллыбыттара. Быйыл оҕо ускуустубатын оскуолаларын муусука үстүрүмүөннэринэн хааччыйарга 50 мөл.солк. үп көрүллүө.
Итини сэргэ, нуучча тыйаатырын 130 сылынан, РФ уонна СӨ норуодунай артыыһа, П.Ойуунускай аатынан бириэмийэ лауреата Валентин Антонов пааматынньыга баар буолуо, дьон сынньанар, сэһэргэһэр сиригэр ыскамыайкалар туруоруллуохтара«, — диэтэ СӨ Култуура уонна духуобунай сайдыы миниистирэ Юрий Куприянов.
+1
+1
+1
+1
+1
+1
+1