«Култуура» нацбырайыагынан Төлөй уонна Нөөрүктээйи бибилэтиэкэлэрэ саҥардыллыахтара
Чурапчы улууһун Төлөйүн уонна Мэҥэ Хаҥалас улууһун Нөөрүктээйитин бибилэтиэкэлэрэ «Култуура» национальнай бырайыак чэрчитинэн федеральнай үбүлээһин эбии куонкуруһун аастылар. 2021 сыл бүтүөр диэри бу икки бибилэтиэкэ аныгылыы стандартынан оҥоһуллуоҕа диэн СӨ Култуураҕа уонна духуобунай сайдыыга министиэристибэтин пресс-сулууспата иһитиннэрэр.
Төлөй уонна Нөөрүктээйи бибилэтиэкэлэрэ биэстии мөлүйүөнү сүүйэн, өрөмүөн үлэтин ыыта, миэбэл саҥарда, пуонданы кэҥэтэ сылдьаллар.
Ааспыт 2020 сылга Саха сиригэр «Култуура» национальнай бырайыагынан уон бибилэтиэкэ саҥардыллыбыта. Оттон 2019 сылга Беркакит бибилэтиэкэтэ оҥоһуллубута. Бу сылтан эрэгийиэҥҥэ нацбырайыак үлэтин саҕалаабыта.
+1
+1
+1
+1
+1
+1
+1