РФ култуураҕа миниистирэ Ольга Любимова коронавируһунан ыарыйда. Онон дьиэтигэр олорон үлэлииргэ күһэлиннэ. Ол туһунан миниистир пресс-сэкирэтээрэ Анна Усачева иһитиннэрдэ.
Ыарыы чэпчэкитик ааһар буолан, кини туруга үчүгэй. Дьиэтиттэн видеоконференциялары, мунньахтары, онлайн-кэпсэтиилэри ыытар, быһата, үлэлии олорор.
РФ бырабыыталыстыбатыгар аан бастакынан, муус устар 19 күнүгэр премьер-миниистир Михаил Мишустин коронавируһунан ыалдьыбыта. Кинини вице-премьер Андрей Белоусов солбуйбута. Владимир Путин бүгүн сүбэ мунньахха кэпсээбитинэн, Мишустин кинини кытта күн аайы сибээстэһэ олорор, туруга үчүгэй.
Муус устар 20 күнүгэр тутуу миниистирэ Владимир Якушев эмиэ ыалдьыбыта биллибитэ.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1