Өрөспүүбүлүкэҕэ «Култуура» национальнай бырайыагынан 2020 сылга үлэ-хамнас ситиһиилээхтиктик ыытыллыбыта бэлиэтэнэр.
Ол курдук, биир бастакынан Саха сирэ 10 модельнай бибилэтиэкэлэммитэ бэлиэтэнэр. «Саха сирэ модельнай бибилэтиэкэтин ахсаанынан Уһук Илин эрэгийиэнигэр лиидэр буолбутун РФ Култуура миниистирин солбуйааччы Ольга Ярилова бэлиэтиир. Былырыын Булуҥ улууһун Тиксии бөһүөлэгэ модельнай бибилэтиэкэлэммитэ», — диэн СӨ Култуура уонна духуобунай сайдыы миниистирэ Юрий Куприянов иһитиннэрдэ.
Бэлиэтээн эттэххэ, «Култуура» национальнай бырайыагынан 2020 сылга Алдаҥҥа виртуальнай кэнсиэртиир саала, Ленскэйгэ киинэ саалата үлэҕэ киллэриллибиттэрэ. Нам улууһугар Аппааныга култуура киинэ тутуллар. Федеральнай киин баазатыгар култуура уонна ускуустуба 292 үлэһитэ квалификацияларын үрдэттилэр диэн СӨ Култуура уонна духуобунай сайдыы министиэристибэтин пресс-киинэ иһитиннэрэр.
+1
+1
+1
+1
+1
+1
+1