Култуура дьиэлэрин тутуу 2020-2021 сылларга

Ааптар: 
Бөлөххө киир:
СӨ Култуура уонна духуобунай сайдыы министиэристибэтин үгэс буолбут отчуота ыытылынна.

Ааспыт сыллааҕы үлэни-хамнаһы уонна үүммүт сылга былааны миниистир Юрий Куприянов билиһиннэрдэ диэн тустаах министиэристибэ пресс-киинэ иһитиннэрдэ. Ол курдук, 2020 сылга култуура ханнык эбийиэктэрэ тутуллубуттарый уонна өрөмүөннэммиттэрий?

Миниистир, бастатан туран, өрөспүүбүлүкэҕэ тутуу үлэтэ көхтөөхтүк салҕанарын бэлиэтээтэ. 2020 сылга Дьокуускай куоракка Гагарин аатынан култуура уонна ускуустуба киинэ, Мэҥэ Хаҥалас улууһугар Майаҕа Д.Ф.Ходулов аатынан култуура дьиэтэ, Томпо оройуонугар Хаандыгаҕа бибилэтиэкэ, Үөһээ Халымаҕа Зырянка бөһүөлэгэр култуура-успуорт комплексын (спортсаала) бастакы уочарата үлэҕэ киллэриллибиттэр. Бүлүүгэ култуура дыбарыаһын тутуута түмүктэнэн эрэр.

«Бүлүүгэ бу тутуу түмүктэнэн эрэр. Ил Дархан эппитинэн, эпидемиологическай балаһыанньа учуоттаныллан, култуура дыбарыаһа олунньу 21 күнүгэр аһыллара былааннанар«, — диэн бэлиэтиир Юрий Куприянов. Дыбарыас  композитор Марк Жирков аатын сүгэр.

Маны сэргэ, «Мин Сахам сирэ XXI үйэҕэ» үтүө дьыала хамсааһынынан, 2020 сылга Мэҥэ Хаҥалас улууһугар Сыымахха элбэх өрүттээх култуура комплексыгар эбии тутуу түмүктэммитэ. Нам улууһугар Маймаҕа сэлиэнньэтигэр култуура-успуорт комплексын тутуута бүтэн эрэр.

Дьокуускайга эпос уонна ускуустуба Арктикатааҕы киинин тутуу үлэтэ саҕаланна. САССР 100 сылыгар бэлэмнэнии иитинэн, эрэгийиэн суолталаах култуура нэһилиэстибэлэрин, ол курдук, Дьокуускайга «Казначейство дьиэтин»,  Хаҥалас улууһун Күөрдэм сэлиэнньэтигэр «Николаевскай таҥара дьиэтин» саҥардыы, чөлүгэр түһэрии үлэлэрэ ыытыллаллар.  Былатыан Ойуунускай аатынан саха академическай драматическай тыйаатырыгар улахан өрөмүөн ыытыллан, икки дьоҕус саала арылынна. Хотугу төрүт олохтоох аҕыйах ахсааннаах норуоттар тыйаатырдарын бастакы мэндиэмэнэ өрөмүөннэннэ, ити үлэ быйыл салҕанар.

«Олохтоох култуура дьиэтэ» хайысха иитинэн, федеральнай бүддьүөт кыттыылаах култуура дьиэлэрин материальнай-тэхиньиичэскэй баазаларын бөҕөргөтүү салҕанар.

+1
0
+1
0
+1
0
+1
0
+1
0
+1
0
+1
0